جرمنی : پناہ گزینوں کے شیلٹر میں آتشزدگی پر مقامی افراد کا تالیاں بجا کر اظہار مسرت

برلن (بی بی سی) جرمن پولیس کے مطابق ملک کے مشرقی علاقے میں پناہ گزینوں کے لیے بنائی گئی ایک عمارت میں آگ لگنے پر مقامی لوگوں نے تالیاں بجا کر اپنی خوشی کا اظہار کیا ہے۔ بضطان شہر میں ایک سابق ہوٹل کی اس عمارت کو پناہ گزین کی رہائش کے لیے تیار کیا جا رہا تھا ۔پولیس کے مطابق کچھ لوگوں نے آگ بجھانے والے عملے کو آگ پر قابو پانے سے روکنے کی کوشش بھی کی۔حکام نے کہا ہے کہ آگ لگنے پر خوشی کا اظہار اور فائر برگیڈ کے عملے کے کام میں مداخلت کرنے والے مجرم ہیں۔