کویت سٹی  (اے پی پی)کویت نے کورونا وائرس کی وباکے پھیلاو کو روکنے کے لیے اقدامات کے تحت کویت میں غیرملکیوں کے داخلے پر پابندی میں مزید توسیع کی ہے۔عرب نیوز کے مطابق کویت کی سول ایوی ایشن کی جانب سے ٹویٹر پر جاری بیان میں کہا گیا ہے کہ یہ پابندی آئندہ نوٹس تک بر قرار رہے گی۔بیان میں کہا گیا کہ کویتی شہریوں کو اب بھی ملک میں داخلے کی اجازت ہے تاہم انہیں لازمی طور پر ایک ہفتے ہوٹل اور مزید ایک ہفتے تک گھر میں قرنطینہ میں رہنا ہوگا۔