شجاع آباد(نامہ نگار‘خبر نگار)مفتی ثناء المومن، مولانا سراج قریشی، مولانا رضاء المنعم، انعام الحق قریشی کی زیر سرپرستی جامعہ محمدیہ و عروۃ اللبنات میں تقریب دوپٹہ پوشی و تقسیم انعامات منعقد کی گئی۔ مدرسے کی چار طالبات نے حفظ قرآن پاک جبکہ سات طالبات نے ناظرہ قرآن پاک مکمل کیا۔ جامعہ کے دو طلباء نے حفظ قرآن پاک جبکہ 14 طلباء نے ناظرہ قرآن پاک مکمل کیا۔ جامعہ محمدیہ و عروۃ اللبنات کے مہتمم مولانا جہانزیب رائو اور مولانا احسان الحق قریشی نے تقریب سے خطاب بھی کیا جبکہ تقریب کے اختتام پر طالبات کی دوپٹہ پوشی کی گئی اور طلباء میں انعامات بھی تقسیم کئے گئے۔