لیاقت بلوچ  23فروری کو ایک روزہ دورہ پر اٹک آئیں گے 

 حضرو(نمائندہ نوائے وقت) لیاقت بلوچ 23فروری بروز منگل صبح 08:30 بجے شینکہ پہنچیں گے جہاں وہ ضلعی سیکرٹری جنرل حافظ محمد بلال سے ان کے تایا کی وفات پر تعزیت کریں گے اس کے بعد 10:00بجے اٹک شہر میں نصیر منزل نزد ریلوے پارک میں ممتاز ماہر تعلیم و سابق پرنسپل ہائر سیکنڈری سکول فتح جنگ  پروفیسر ملک منہاج الدین اعوان کی وفات پر ان کے بھائی سابق اپوزیشن لیڈر ضلع کونسل اٹک ملک ریاض الدین اعوان سے تعزیت کر یں گے  جہاں وہ پریس نمائندگان سے بھی گفتگو کریں گے بعد ازاں دن دو بجے تحصیل جنڈ کے معروف گاؤں  ناڑہ میں سابق سینئیر ہیڈ ماسٹر و سابق امیر جماعت اسلامی تحصیل جنڈ  و سابق ضلعی صدر تنظیم اساتذہ پاکستان اٹک عبد الحکیم کی تعلیمی و سماجی خدمات کو خراج تحسین پیش کرنے کے لئے تعزیتی ریفرنس سے خطاب کریں گے ان کے ہمراہ امیر ضلع سردار امجد علی خان و ضلعی جنرل سیکرٹری حافظ محمد بلال اور نائب امیر جماعت اسلامی ضلع اٹک مولانا حافظ جابر علی خان سابق چئیرمین یونین کونسل شینکہ بھی ہوں گے  اس کے بعد وہ پنڈ سلطانی میں نائب امیر جماعت اسلامی ضلع اٹک و پرنسپل العلم ماڈل سکول ناصر اقبال خان کی عیادت کریں گے