لاہور (این این آئی)جناح پولو فیلڈز کے زیراہتمام دوسرا جناح گولڈ پولوکپ سپانسرڈ بائی ماسٹر پینٹس آج سے شروع ہوگا ۔ جناح پولو فیلڈز کی ایگزیکٹو کمیٹی ممبر اور ماسٹر پینٹس کے ڈائریکٹر صوفی محمد عامر نے کہا ہے کہ ایک پولو فیملی ہونے کے ناطے ہر سال ماسٹر پینٹس پولو کے بڑے مقابلے کو سپانسر کرتا ہے۔ پولو ایک لائف سٹائل کھیل ہے اور زندہ دلان لاہور کا اس کھیل سے بہت پرانا ساتھ ہے۔ جناح پولو فیلڈز کے خوبصورت گرائونڈز میں اس ٹورنامنٹ کا انعقاد کیا جا رہا ہے جس میں نو بہترین ٹیمیں شامل ہیں۔ مقابلے پورا ہفتہ جاری رہیں گے اور فائنل اتوار 27 فروری کی سہ پہر کو ہوگا۔