یمن،شمالی صوبے صعدہ میں بارودی سرنگ کے دھماکے میں 9 یمنی فوجی ہلاک

صنعا(اے پی پی)یمن کے شمالی صوبے صعدہ  میں بارودی سرنگ کے دھماکے میں 9 یمنی فوجی ہلاک  ہو گئے ہیں۔ چینی خبر رساں ادارے نے یمنی  حکام کے حوالے سے بتایا کہ  یہ دھماکا گزشتہ روز ملک کے شمالی صوبے صعدہ  میں  اس وقت ہوا جب  یمنی    فوج  کی ایک گاڑی گشت کے دوران  بارودی سرنگ سے ٹکرا گئی جس کے نیتجے میں  9 فوجی  مارے گئے ۔  حکام نے بتایا کہ بارودی سرنگ  صعدہ میں البوقہ میں حوثی باغی ملیشیا نے بچھائی تھی ، دھماکے  میں فوجی گاڑی مکمل طور پر تباہ  اور 9  جوان موقع پر ہی ہلاک ہو گئے ۔