نیوکراچی میں پولیس مقابلہ‘2 ڈاکو زخمی حالت میں گرفتار‘ تیسرا فرار

کراچی (نیوز رپورٹر)   نیوکراچی میں پولیس کا ڈاکوؤں سے مبینہ مقابلہ ہوا ہے جس کے نتیجے میں دو ڈاکو زخمی حالت میں گرفتار جبکہ ایک فرار ہونے میں کامیاب ہوگیا۔ تفصیلات کے مطابق  نیوکراچی کے علاقے سیکٹر5اے تھری میں پولیس اور مسلح رہزنوں کے درمیان مبینہ مقابلہ ہوا ہے، فائرنگ کے تبادلے میں دو ملزمان زخمی ہوگئے، جنہیں پولیس نے موقع پر ہی گرفتار کرلیا جبکہ تیسرا ملزم موقع پا کر فرار ہونے میں کامیاب ہوگیا۔ پولیس کے مطابق گرفتار ہونے والے ملزمان کے قبضے سے 2پستول،ایک موٹرسائیکل اور4موبائل فون برآمد ہوئے ہیں، ملزمان نے ایک روز قبل دو شہریوں کو ان کے گھر کی دہلیز پر لوٹا تھا۔ ملزمان شہریوں سے موبائل فون، نقدی اور چھین کر فرار ہوئے تھے، متاثرہ افراد کے پڑوسی نے واردات کی موبائل فون سے ویڈیو بنالی تھی۔ موبائل فون فوٹیج میں دونوں ملزمان کے چہرے واضح ہیں، زخمی ملزم محمد عرفان ولد محمد پہلے بھی گرفتار ہوچکا ہے۔ پولیس کے مطابق موٹرسائیکل سوار3 مشتبہ ملزمان کو روکنے کی کوشش کی، روکنے کی کوشش پر ملزمان نے پولیس پر فائرنگ کردی جس کے جواب میں پولیس نے بھی فائرنگ کی۔