لاہور ( سپورٹس رپورٹر) پی ایچ ایف اور پنجاب ہاکی ایسوسی ایشن سمیت پاکستان ہاکی کے مایہ کھلاڑیوں اولمپین منظور جونیئر، اولمپین کلیم اللہ، اولمپین خالد حمید، اولمپین ناصر علی سمیت ان تمام سٹار کھلاڑیوں اور اولمپینز کا شکرگذار ہوں جنہوں نے اس ایونٹ کو اپنی موجودگی رونق بخشی، سپورٹس ایرینا گکھڑ میں یہ پہلا قومی لیول کا ایونٹ منعقد ہوا جس کا سلسلہ آئندہ بھی جاری رہے گا۔ ان خیالات کا اظہارکمشنر گوجرانوالہ ذوالفقار گھمن نے آل پاکستان کمشنر گوجرانوالہ گولڈ کپ ہاکی ٹورنامنٹ کی تقریب تقسیم انعامات میں کیا۔پاکستان ہاکی فیڈریشن کی زیر نگرانی و پنجاب ہاکی ایسوسی ایشن کے زیر اہتمام گھگڑ سپورٹس کمپلیکس گوجرانوالہ میں منعقد ہونے والا آل پاکستان کمشنر گوجرانوالہ گولڈ کپ ہاکی ٹورنامنٹ کا فائنل ماڑی پیٹرولیم نے جیتا۔ جبکہ تیسری پوزیشن پاکستان نیوی نے حاصل کی۔ فائنل میچ کے مہمان خصوصی کمشنر گوجرانوالہ ذوالفقار علی گھمن تھے۔جنہوں نے میچ کے اختتام پر فائنل کی فاتح ٹیم ماڑی پیٹرولیم کو ونر ٹرافی اور دیگر کھلاڑیوں اور آفیشلز میں انعامات تقسیم کئے۔