کامیاب جوان سپورٹس اور ٹیلنٹ ہنٹ مہم کےتحت پہلےمرحلےکےمقابلےاگلےماہ شروع ہونگے:عثمان ڈار

نوجوانوں کے امور کے بارے میں معاون خصوصی عثمان ڈار نے کہا ہے کہ کامیاب جوان سپورٹس اور ٹیلنٹ ہنٹ مہم کے تحت پہلے مرحلے کے مقابلے اگلے ماہ شروع ہونگے۔آج اسلام آباد میں نیوز کانفرنس سے خطاب کرتے ہوئے کہا انہوں نے کہا کہ پہلے مرحلے میں ریسلنگ، ویٹ لفٹنگ اور ہاکی کے مقابلے ہونگے۔انہوں نے کہا کہ ویٹ لفٹنگ کے مقابلے گوجرانوالہ میں اگلے ماہ کی 12 تاریخ کو شروع ہونگے۔معاون خصوصی نے نوجوانوں سے اپیل کی کہ وہ وزیر اعظم عمران خان کی طرف سے گزشتہ سال دسمبر میں شروع کی گئی کامیاب جوان سپورٹس اور ٹیلنٹ ہنٹ مہم میں حصہ لیں۔