لاہور(سپورٹس رپورٹر)آئی سی سی ویمنز ٹی ٹونٹی ورلڈ کپ کے گروپ میچ میں انگلینڈ نے پاکستان کو 114 رنز سے شکست دیدی۔ کیپ ٹاؤن میں کھیلے گئے اس میچ میں انگلینڈ ویمن نے 5 وکٹوں پر 213 رنز بنائے۔نیٹ برنٹ نے 81 رنز کی ناقابل شکست اننگز کھیلی جبکہ ڈینی ویٹ نے 59 اور ایمی جونز نے 47 رنز بنائے۔ فاطمہ ثنا نے دو وکٹیں حاصل کیں جبکہ سعدیہ اقبال، طوبیٰ حسن اور ندا ڈار نے ایک، ایک وکٹ لی۔ قومی ٹیم 9 وکٹوں پر صرف 99 رنز ہی بناسکی۔ طوبیٰ حسن 28 رنز کیساتھ ٹاپ سکورر رہیں۔ کیتھرین برنٹ اور چارلی ڈین نے دو، دو وکٹیں حاصل کیں۔ نیٹ برنٹ کو میچ کی بہترین کھلاڑی قرار دیا گیا۔ واضح رہے کہ 4 میں سے 3 میچز ہارنے کے بعد ایونٹ میں پاکستان ویمن ٹیم کا سفر ختم ہوگیا۔