ٹی ٹونٹی میں نو بال جرم ‘ غلطیاں  سدھارنا ضروری : وہاب ریاض

لاہور(سپورٹس رپورٹر)پاکستان سپر لیگ کی ٹیم پشاور زلمی کے فاسٹ بائولروہاب ریاض نے کہا ہے کہ کوئٹہ گلیڈی ایٹرز کیخلاف ہم پلان کے مطابق کھیلے اور کامیابی حاصل کی۔ کوئٹہ کیلئے افتخار احمد اور سرفراز نے اچھی بیٹنگ کی، افتخار اچھی فارم میں ہے، اس کو رنز کرتا دیکھ کر اچھا لگ رہا ہے جبکہ صائم ایوب نوجوان ہے ، اس کا اچھا مستقبل ہے۔ا کوشش ہے  پی ایس ایل میں  پرفارمنس دیکر کم بیک کروں، ٹی ٹونٹی کرکٹ میں نو بال جرم ہے، ہر بائولر ہر روز پرفارم نہیں کرتا، ٹی ٹونٹی  میں مار تو پڑتی ہے، مار پڑ جانا بڑی بات نہیں، غلطیاں سدھارنا ضروری ہے۔، غلطیوں پر قابو پانا ہوگا۔ہم ہمیشہ ایک ایک میچ کو لے کر اطمینان سے آگے جاتے ہیں۔ کپتان کوئی بھی ہو گراؤنڈ پر پرفارم کرنا تو پلیئر کا کام ہے،کھلاڑیوں کیلئے اہم ہے کہ وہ میچ کی صورتحال کو پڑھ کر پلان کریں، پلیئرز کو انجری ہونا گیم کا حصہ ہے۔ پاکستان کھیلنے کی خواہش مجھے طاقت دیتی ہے، جس دن یہ خواہش نہ رہی اس دن کھیلنے کا مزہ نہیں ہوگا، کرکٹ میری زندگی ہے، کرکٹ کی وجہ سے ہی سب کچھ ہوں۔