دیپالپور کے علاقے میں ڈاکوئوں کی فائرنگ سے لوڈر ڈرائیور جاں بحق

اوکاڑہ/حویلی لکھا (نامہ نگار) حویلی دیپالپور روڈ پر ڈاکوؤں کا راج گزشتہ روز ڈاکوؤں کی فائرنگ سے ڈرائیور جاں بحق ہو گیا۔ ڈاکو حویلی دیپالپور روڈ پر ناکہ لگا کر گاڑیوں کو لوٹ رہے تھے کہ انہوں نے لوڈر گاڑی کو روکنے کی کوشش کی اور نہ رکنے پر فائرنگ شروع کر دی، جس سے ندیم نامی ڈارئیور موقع پر جاں بحق ہو گیا۔ ڈی پی او اوکاڑہ منصور امان رانا نے مرنے والے کے لواحقین سے ملاقات کی ملزمان کی جلد از جلد گرفتاری کی یقین دہانی کروائی۔ ٹاہلی موڑ کے قریب 2نامعلوم ملزمان نے مرغیوں کی سپلائی کرنے والے ٹرالے پر فائرنگ کر دی۔