پتنگوں کی سپلائی ناکام ‘ملزم530پتنگوں ‘خام مال سمیت گرفتار

لاہور(نمائندہ خصوصی) ایس پی کینٹ اویس شفیق کی ہدایت پر کارروائی کرتے ہوئے فیکٹری ایریا پولیس نے شہر میں پتنگوں کی سپلائی ناکام بنا دی۔فیکٹری ایریا پولیس نے ایس پی کینٹ کی ہدایت پر فیکٹری ایریا میں کارروائی کی، کارروائی کے دوران شہریوں کی موت کے سوداگر لسٹڈ ریکارڈ یافتہ اعجاز پتنگ فروش کو گرفتار کرلیا، ملزم اعجاز کے قبضہ سے 530 پتنگیں اور پتنگیں بنانے والا خام مال برآمد ہوا۔ایس پی کینٹ اویس شفیق نے بتایا ہے کہ گرفتار ملزم اعجاز نے پنجاب کے مختلف اضلاع میں پتنگیں سپلائی کرنے کا اعتراف کیا ہے، ملزم کے خلاف پتنگ بازی ایکٹ کے تحت مقدمہ درج کر کے کارروائی کا آغاز کردیا ہے۔ پتنگ بازی ایک جان لیوا کھیل ہے، شہری اپنی چھت کو پتنگ بازی کے لیے استعمال نہ ہونے دیں، والدین اپنے بچوں کو پتنگ بازی جیسے خونی کھیل سے دور رکھیں، پتنگ فروشوں، پتنگ سازوں اور پتنگ بازوں کے خلاف زیرو ٹالرنس پالیسی پر عمل پیرا ہیں۔