لاہور (نوائے وقت رپورٹ) معروف صحافی، تجزیہ نگار و کالم نویس نذیر ناجی انتقال کر گئے۔ نذیر ناجی لاہور کے نجی ہسپتال میں زیر علاج تھے۔ نذیر ناجی کی عمر 81 برس تھی۔ نذیر ناجی کو صحافی خدمات کے اعتراف میں ہلال امتیاز بھی دیا گیا تھا۔ وہ کافی عرصے سے علیل تھے۔ وہ ایک عرصہ نوائے وقت میں بھی کالم لکھتے رہے ۔علاوہ ازیں محسن نقوی نے سینئر صحافی نذیر ناجی کے انتقال پر گہرے دکھ اور افسوس کا اظہار کیا ہے۔ مرحوم سرمد، منصور اور اینکر انیق ناجی کے والد تھے۔ جنازہ ان کی رہائش گاہ 12 ویسٹ کنال بنک روڈ بالمقابل ڈاکٹرز ہسپتال سے 12 بجے دوپہر اٹھایا جائے گا۔ نماز جنازہ جامع مسجد مدینہ F2 جوہر ٹاؤن میں بعد نماز ظہر ادا کی جائے گی اور سمسانی قبرستان میں تدفین ہو گی۔