نیشنل اوپن پولو چیمپئن شپ‘مزید 2میچوں کافیصلہ 

لاہور (سپورٹس رپورٹر) بینک الفلاح نیشنل اوپن پولو چیمپئن شپ برائے قائداعظم گولڈ کپ 2024ء میں دو اہم میچز کھیلے گئے۔ بی این پولو نے اولمپیاء /اے زیڈ بی کی ٹیم کو 9-7 سے ہرا دیا۔ بی این پولو کی طرف سے بابر نسیم  اور حمزہ مواز خا ن نے تین تین، سنٹی لوسا نے دو اور سنٹوس اریٹے نے ایک گول کیا۔ اولمپیاء /اے زیڈ بی کی طرف سے عبدالرحمان منوں نے تین، احمد زبیر بٹ اور نکو لس کورٹی نے دو دو گول  کیے۔ ایف جی پولو نے ڈائمنڈ پینٹس /ماسٹر پینٹس کی ٹیم کو 8-7 سے ہرا دیا۔ ایف جی پولو کی طرف سے راول لیپ لا سیٹ نے سات  گول کیے ۔ پوائنٹس ٹیبل پر تین ٹیمیں چھ چھ پوائنٹس کیساتھ برابر ہیں۔