لاہور(لیڈی رپورٹر) پنجاب یونیورسٹی کے زیر اہتمام سپورٹس ویک کے تیسرے روز مختلف شعبہ جات کے طلباؤطالبات کے مابین کرکٹ، رسہ کشی، بیڈمنٹن، ٹیبل ٹینس، شطرنج، لڈو، اتھلیٹکس، ٹیبل ٹینس، فٹ بال اور دیگر مقابلوں کا انعقاد کیا گیا۔ تمام شعبہ جات کے طلباء و طالبات نے اپنے شعبہ جات کو سجا دیا۔ وائس چانسلر ڈاکٹر خالد محمود نے کہا کہ سپورٹس ویک کا مقصد طلباء کو تعلیم کے ساتھ تفریح کے مواقع فراہم کرنا ہے۔ کھیلوں کی سرگرمیاں طلباؤطالبات کو چست و توانا رکھنے کیلئے ضروری ہیں۔