اسلام آباد (خبر نگار خصوصی) پاکستان کیلئے تیار کیے جانے والے چوتھے آف شور پٹرول ویسل پی این ایس یمامہ کی لانچنگ کی تقریب رومانیہ کے ڈامن شپ یارڈ میں ہوئی۔ پاک فوج کے شعبہ تعلقات عامہ (آئی ایس پی آر)کے مطابق وائس چیف آف دی نیول سٹاف وائس ایڈمرل اویس احمد بلگرامی تقریب کے مہمان خصوصی تھے۔ آئی ایس پی آر کے مطابق یہ جہاز جدید ترین ہتھیاروں اور ٹیکنالوجی سے لیس ہوگا۔ وائس ایڈمرل اویس احمد بلگرامی نے اس موقع پر خطاب کرتے ہوئے کہا کہ جہاز کی شمولیت سے میری ٹائم سکیورٹی کیلئے پاک بحریہ کی صلاحیتوں میں مزید اضافہ ہو گا۔