اسلام آباد (خبرنگار+ نوائے وقت رپورٹ+ اے پی اے) پٹرولیم مصنوعات کی قیمتوں میں ردوبدل کا نوٹیفکیشن جاری کردیا گیا، پٹرول کی قیمت میں 1روپیہ 65پیسے اضافہ کردیا گیا، پٹرول کی نئی قیمت103روپے 7پیسے مقرر کردی گئی، مٹی کا تیل 1روپیہ 09پیسے لٹر مہنگا کر دیا گیا، نئی قیمت 99روپے 90پیسے مقرر کردی گئی، لائٹ ڈیزل کی قیمت میں 1پیسہ فی لٹرکمی کردی گئی، نئی قیمت 94روپے33پیسے مقرر کردی گئی، ہائی سپیڈ ڈیزل کی قیمت میں 92پیسے فی لٹر کمی کردی گئی ،نئی قیمت 109.21روپے فی لٹر ہو گئی۔ قیمتیں فوری طور پر نافذ العمل ہونگی۔