فیڈرل انٹرکالجیٹ گرلز ہاکی چیمپئن شپ آج سے اسلام آباد میں شروع ہوگی

اسلام آباد (این این آئی) فیڈرل بورڈ آف انٹرمیڈیٹ اینڈ سیکنڈری ایجوکیشن کے زیر اہتمام فیڈرل انٹر کالجیٹ گرلز ہاکی چیمپئن شپ آج 22 جنوری سے نصیر بندہ ہاکی سٹیڈیم اسلام آباد میں شروع ہوگی جس میں فیڈرل بورڈ سے منسلک کالجز کی ٹیمیں حصہ لیں گے۔ 3روزہ ایونٹ 24جنوری کو اختتام پذیر ہوگا۔ ذرائع کے مطابق بوائز ہاکی چیمپئن شپ 28جنوری سے نصیر بندہ ہاکی سٹیڈیم اسلام آباد میں شروع ہوگی۔ چیمپئن شپ میں فیڈرل بورڈ سے منسلک کالجز کی ٹیمیں حصہ لیں گے۔ 3 روزہ ایونٹ 31 جنوری کو اختتام پذیر ہوگا۔