میلبورن (اے پی پی) ثانیہ مرزا اور ان کے امریکی جوڑی دار باب برائن آسٹریلین اوپن کے مکسڈ ڈبلز مقابلوں کے کوارٹر فائنل میں پہنچ گئے۔ تفصیلات کے مطابق پیر کو مارگریٹ کورٹ ایرینہ میں کھیلے گئے مکسڈ ڈبلز کے پری کوارٹرفائنل میں بھارتی ٹینس سٹار ثانیہ مرزا اور ان کے امریکی پارٹنر باب برائن نے امریکہ کی ایبیگیل سپیئرز اور سکاٹ لپسکائے کو دلچسپ مقابلے کے بعد 4-6 ، 6-1 اور 10-4 سے شکست دے کر کوارٹرفائنل کے لئے کوالیفائی کیا۔ ایک اور میچ میں اٹلی کی سمن بولیلی اور ان کے جوڑی دار فیبیو فوگینی نے بھارت کے مہیش بھوپتھی اور ان کے کینیڈین پارٹنر ڈینیئل نیسٹور کو 6-3 ، 4-6 اور 6-3 سے ہرا کر کوارٹرفائنل کے لئے کوالیفائی کیا۔