کراچی: بلدیہ ٹاؤن اورحاجی کیمپ سےتین لاشیں برآمد, فائرنگ کےدومختلف واقعات میں دوافراد کوقتل۔

کراچی چنیسرگوٹھ میں پولیس کی بھاری نفری نےبکتربند گاڑیوں کےہمراہ علاقےکی ناکہ بندی کرلی جبکہ ٹارگٹڈ آپریشن کےدوران دوافراد کوحراست میںلےلیا گیا،ادھربلدیہ ٹاؤن اورحاجی کیمپ سےتین لاشیں برآمد ہوئیں ہیں۔رات گئےکھوکھرا پار میں نامعلوم ملزمان نے فائرنگ کرکے ایک شخص کو ہلاک کردیا جس کی لاش کوجناح اسپتال منتقل کیا گیا ہے،ہسپتال ذرائع کے مطابق مقتول کی شناخت ندیم کے نام سے ہوئی ہے۔ دوسری جانب اورنگی ٹاوٴن کے علاقے خیرآباد میں نامعلوم ملزمان کی فائرنگ سے ایک شخص ہلاک ہوا ہےجس کی لاش کو عباسی شہید لایا گیا،مرنےوالےشخص کو جمیل کے نام سےشناخت کیا گیا ہے۔