اسلام آباد(آن لائن) بے نظیر انٹرنیشنل ائرپورٹ پر مسافر کے بیگ سے منشیات برآمد کر لی گئی، ملزم کو گرفتار کرکے اینٹی نارکوٹکس فورس کے حوالے کردیا گیا۔ ائرپورٹ سکیورٹی ذرائع کے مطابق اسلام آباد میں بے نظر انٹرنیشنل ایئرپورٹ پر بحرین جانے والے مسافر کے بیگ سے ایک کلو سے زائد ہیروئن برآمد ہوئی ہے جسے گرفتار کر لیا گیا۔ چنیوٹ سے تعلق رکھنے والے مدثر نامی مسافر نجی ائرلائن کی پرواز سے بحرین جانے کی کوشش کر رہا تھا جسے گرفتار کرکے اینٹی نارکوٹکس فورس کے حوالے کردیا گیا ہے۔