رانا ٹائون، سکول بس ٹائر پھٹنے سے الٹ گئی‘ تین اساتذہ سمیت30طالبعلم زخمی

فیروزوالا(نامہ نگار) جی ٹی روڈ کی آبادی رانا ٹائون کی سکول بس کا ٹائر پھٹ جانے سے بس بے قابو ہوکر الٹ گئی جس کے نتیجہ میں تین لیڈی اساتذہ سمیت 30 طالب علم زخمی ہوگئے جن کو طبی امداد کے لیے ہسپتال داخل کرادیا۔بتایا گیا ہے کہ سوشل ویلفیئر سکول رانا ٹائون کی بس تقریباً 100 کے قریب طلباء اور اساتذہ کو لیکر شاہدرہ سے رانا ٹائون سکول جارہی تھی کہ جب بس ٹول پلازہ رانا ٹائون کے قریب پہنچی تو تیزرفتاری کے باعث ٹائر پھٹ گیا اور بس بے قابو ہوکر سڑک سے نیچے جاگری جس میں سوار تین ٹیچرز اور 30 طالب علم زخمی ہوگئے۔ ریسکیو کے عملے نے 22 طالب علموں کو موقع پر طبی امداد فراہم کردی جبکہ 8 طالبہ کو طبی امداد کیلئے ہسپتال داخل کردیا۔ حادثہ بس ڈرائیور کی غفلت اور فحش گانے لگانے کے باعث پیش آیا۔ زخمی طلبہ کے مطابق حادثے والی بس انتہائی ناقص حالت میں تھی جس کی پرنسپل کو متعدد مرتبہ شکایت کی گئی لیکن انہوں نے کوئی کارروائی نہیں کیۃ