داعش کو آئندہ چند ہفتوں کے دوران مکمل طور پر شکست ہوجائیگی،فرانسیسی صدرپرعزم

پیرس(این این آئی) فرانسیسی صدر ایمانوئل ماکروں نے کہا ہے کہ شام اور عراق میں سرگرم دہشتگرد گروپ داعش کو آئندہ چند ہفتوں کے دوران مکمل طور پر جنگی شکست ہو جائیگی۔غیرملکی خبررساں ادارے کے مطابق یہ بات انہوں نے فرانس کی فوجی صلاحیت میں اضافے کے لیے نئے منصوبے پیش کرتے ہوئے کہی۔ فرانس کے جنوبی بندرگاہی شہر ٹولاں میں ایک فوجی بحری جہاز پر خطاب کرتے ہوئے ماکروں نے ان ممالک کا شکریہ بھی ادا کیا جن کی کوششوں کے سبب داعش مکمل فوجی شکست کے بالکل قریب ہے۔ ماکروں نے امید ظاہر کی کہ اب فرانس اپنے شراکت داروں کے ساتھ مل کر خطے میں استحکام کے لیے کوشش کرے گا۔
فرانسیسی صدر