میلبورن (آئی این پی)آسٹریلوی بگ بیش لیگ میں ہوبارٹ ہریکنگ نے میلبورن رینیگڈز کو 4 رنز سے شکست دیکر چوتھی فتح حاصل کرلی۔ میکالیسٹر رائٹ نے ناقابل شکست 70 رنز کی اننگز کھیل کر ٹیم کی فتح میں اہم کردار ادا کیا۔ میلبورن رینیگڈز کی ٹیم 191 رنز کا ہدف حاصل کرنے میں ناکام رہی۔ شان مارش، ویبسٹر اور محمد نبی کی نصف سنچریاں رائیگاں گئیں۔میکالیسٹر رائٹ میچ کے بہترین کھلاڑی قرار پائے ۔ میچ میں ہوبارٹ ہریکنز نے پہلے بیٹنگ کرتے ہوئے مقررہ 20 اوورز میں 3 وکٹوںکے نقصان پر 190 رنز بناکر میلبورن رینیگڈز کو میچ میں کامیابی کے لئے 191 رنز کا ہدف دیا۔ ۔جواب میں میلبورن رینیگڈز کی ٹیم مقررہ 20 اوورز میں 4 وکٹوں کے نقصان پر 186 رنز بناسکی۔ شان مارش، ویبسٹر اور محمد نبی کی نصف سنچریاں بھی اپنی ٹیم کو فتح نہ دلا سکیں۔ محمد نبی 63، شان مارش 56 اور ویبسٹر نے 50 رنز بنائے، قیس احمد راجرز، روسی اور ایلیس نے ایک ایک کھلاڑی کو آئوٹ کیا۔ میکالیسٹر رائٹ میچ کے بہترین کھلاڑی قرار پائے ۔