لاہور(نمائندہ سپورٹس+سپورٹس رپورٹر)ان سیڈڈ عمران خان نے سابق ورلڈ چیمپئن اور نمبر دو سیڈ نسیم اختر کو حیران کن شکست دیکر جوبلی انشورنس قومی انڈر21 جونیئر سنوکر چیمپئن شپ کے کوارٹر فائنل میں کھیلنے کا اعزاز حاصل کرلیا۔ بابر مسیح نے 136 کا بڑا سنچری بریک کھیلا۔ بدھ کو کھیلے جانے والے بیسٹ آف سیون کوارٹر فائنل میں حارث طاہر کا مقابلہ شاہ زیب ملک، سعد خان کا عمر خان، عمر فاروق کا شیخ محمد مدثر اور احسن رمضان کا محمد عمران خان سے ہوگا۔پری کوارٹر فائنل میں عمران خان نے سابق جونیئر ورلڈ چیمپئن نسیم اختر کو 4-1 سے ہرا کر ٹاپ ایٹ میں جگہ بنائی۔ عمر فاروق نے محمد احمد کو 4-2 ، حارث طاہر نے فرحان مجید کو 4-1، شاہ زیب ملک نے شہریار خان کو 4-1، سعد خان نے ارج ارسلان 4-0، شیخ محمد مدثر نے محمد سلیم کو 4-0 اور محمد عمر خان نے زیب خان کو 4-1سے ہرا کر کوارٹر فائنل میں جگہ بنائی۔