تفصیلات کے مطابق تین ہٹی کے قریب لیاری ایکسپریس وے فلائی اوور کے نیچے ندی کنارے جھگیوں میں رات گئے آگ لگ گئی ۔جس نے چند ہی لمحوں میں ساری جھونپڑیوں کو اپنی لپیٹ میں لے لیا۔
آگ سے200 سےزائد جھونپڑیاں متاثر ہوئی ہیں جبکہ 100 سےزائد جھونپڑیاں مکمل طورپرجل کرتباہ ہوگئیں۔واقعے کے فوراً بعد پولیس اورفائر بریگیڈ کا عملہ موقع پر پہنچ گیا۔ فائر بریگیڈ کی 5 گاڑیوں نے آگ بجھانے میں حصہ لیا ۔
تین گھنٹے کی کوششوں کے بعد جھگیوں میں لگی آگ پر قابو پالیا گیا ۔آگ لگنے کی وجوہات تاحال معلوم نہیں ہوسکی ہیں۔واقعے میں کسی جانی نقصان کی اطلاع نہیں ملی ہے تاہم جھونپڑیوں میں موجود سامان جل کرخاکستر ہوگیا ۔ آگ کے باعث جھگی مکینوں نےسردی میں رات کھلےآسمان تلے بسرکی ۔ متاثرین نے حکومت سے امداد کامطالبہ کیا ہے ۔