اداکارہ مہوش حیات گپی گریوال کی شکرگزار

 اداکارہ مہوش حیات نے اپنی فلم پنجاب نہیں جاﺅں گی پسند کرنے پر بھارتی گلوکار گپی گریوال کا شکریہ اداکیا ہے۔بھارتی پنجابی فلموں کے گلوکار، اداکار اور پروڈیوسر ان دنوں پاکستان آئے ہوئے ہیں نے گزشتہ روز دئیے گئے انٹرویو میں انہوں نے نہ صرف پاکستان میں گزارے گئے وقت کو خوشگوار تجربہ قرار یا بلکہ پاکستانی فلموں کی بھی خوب تعریف کی۔ گپی گریوال نے اپنی پسندیدہ پاکستانی فلم کانام بتاتے ہوئے کہا کہ انہیں پنجاب نہیں جاﺅں گی فلم بہت پسند ہے اور فلم میں انہیں مہوش حیات کا کام بھی بہت اچھا لگا یہی وجہ ہے کہ وہ مہوش حیات کے ساتھ فلموں میں کام کرنا چاہیں گے۔ اداکارہ مہوش حیات نے گپی گریوال کا یہ انٹرویو سماجی رابطے کی ویب سائٹ پر شیئر کراتے ہوئے انہیں پاکستان میں خوش آمدید کہا اور اپنی فلم پنجاب نہیں جاﺅں گی پسند کرنے پر گپی گریوال کا شکریہ ادا کیا ہے۔ مہوش حیات نے مزید لکھا یہ جان کر خوشی ہوئی کہ آپ نے ہماری فلم اورہماری مہمان نوازی کو پسند کیا اور اس سے لطف اندوز ہوئے۔