لاہور (کامرس رپورٹر) لاہور میں گزشتہ روز گھی کے 16 کلو کے کنستر کی قیمت میں 200 روپے کمی ہو گئی۔ 16 کلو کے کنستر کی قیمت 200 روپے کی کمی بعد 3800 روپے ہو گئی۔ سرکاری نرخنامہ کے مطابق صوبہ پنجاب کی دس تھوک منڈیوں کے جائزہ کے مطابق چینی کی کم ازکم  فی کلو قیمت 72 روپے اور زیادہ سے زیادہ  89 روپے رہی۔ یوٹیلیٹی سٹوروں پر چینی کی قیمت 68 روپے فی کلو رہی جبکہ پرچون میں قیمت 90 سے 100 روپے فی کلو کے درمیان رہی۔ تھوک میں لاہور کی اکبری منڈی میں اس کا ریٹ 89 روپے پچاس پیسہ رہا۔