سیکرٹری زراعت کا کوہ سلیمان کے قبائلی علاقوں کا دورہ‘  ترقیاتی سکیموں کا جائزہ

ملتان (خبرنگار خصوصی)  سیکرٹری زراعت جنوبی پنجاب ثاقب علی عطیل نے کوہ سلیمان کے قبائلی علاقوں فاضلہ،قطبہ،منگروٹھہ اور چنالہ کا دورہ کیا۔ محکمہ زراعت کے تحت  جاری ترقیاتی سکیموں جا ئزہ لیا۔ گندم، سبزیات ودیگر فصلات کا معائنہ بھی کیا۔ سیکرٹری زراعت نے مختلف مقامی کاشتکاروں سے گفتگو کرتے ہوئے کہا کہ کوہ سلیمان کے پہاڑی علاقوں میں  فارم سے منڈیوں تک پھلوں اور سبزیوں کی باآسانی ترسیل یقینی بنانے کیلئے400کلومیٹر سے زائدجیپ ایبل ٹریک مکمل کیا جاچکا ہے ۔  انہوں نے کہا  کہ کوہ سلیمان میں غربت کے خاتمے اور زرعی ترقی کے فروغ کیلئے کوئی کسر نہیں چھوڑی جائے گی ۔ سیکرٹری زراعت نے قبائلی علاقوں کے کاشتکاروں سے ملاقات کی انکے مسائل سنے اور انکے حل کیلئے متعلقہ افسران کو موقع پر ہدایات دیں۔