لاہور(سپورٹس رپورٹر)انڈر 19 کرکٹ ورلڈ کپ میں گروپ سی میں پاکستان نے افغانستان کو 24 رنز سے شکست دیکر کوارٹر فائنل میں جگہ بنالی۔پاکستان نے  9 وکٹوں پر 239 رنز بنائے، عبدالفصیح 68 رنز بناکر نمایاں رہے۔ افغانستان کی ٹیم  9 وکٹوں پر 215 رنز بناسکی، گرین شرٹس نے میچ 24 سے جیت کر کوارٹر فائنل میں جگہ بنالی۔ بلال سعیدی نے 42 اور اعجاز احمد نے 39 رنز کی اننگز کھیلی۔ اویس علی نے 3 شکار کیے۔معاذ صداقت کو میچ کا بہترین کھلاڑی قرار دیا گیا ۔ پاکستان کے دو میچ کھیل کر چار پوائنٹس جبکہ ایک میچ پاپوا نیو گنی کیخلاف باقی ہے ۔زمبابوے اور افغانستان کے دو دو پوائنٹس اور آپس میں ایک میچ باقی ہے ‘فاتح ٹیم کوارٹر فائنل میں پہنچ جائے گی ۔ پاپوا نیو گنی کو دونوں میچوں میں شکست ہو چکی ہے ۔ پاکستان اور پاپوا نیو گنی کے درمیان میچ آج کھیلا جائے گا۔ گروپ اے سے انگلینڈ ‘بی سے بھارت کوارٹر فائنل میں پہنچ چکے ہیں ۔