لسبیلہ( نامہ نگار)پاکستان کوسٹ گارڈز کی کارروائی 59 کلو گرام اعلی کوالٹی کی کرسٹل برآمد اور اسمگلر گرفتار۔تفصیلات کے مطابق پاکستان کوسٹ گارڈز کو خفیہ ذرائع سے اطلاع ملی کہ کراچی سعیدہ آباد کے علاقے سے منشیات اسمگل ہونے کا خدشہ ہے جس کو مدِنظر رکھتے ہوئے ڈائریکٹر جنرل پاکستان کوسٹ گارڈز نے متعلقہ کمانڈر کو اپنے علاقے میں چیکنگ مزیدسخت کرنے کے احکامات جاری کئے۔ موبائل گشت کے دوران ایک مشکوک نقل و حرکت کا تعاقب کیا دوران موبائل گشت نے سوزوکی بولان کو روک کرتلاشی کے دوران 59 کلو گرام اعلیٰ کوالٹی کی کرسٹل برآمد کر کے سمگلر کو گرفتار کر لیا ۔ خدشہ ہے کہ یہ منشیات سمندر کے راستے بیرون ملک اسمگل ہونا تھی پکڑی جانے والی منشیات کی عالمی مارکیٹ میں مالیت تقریباً 16.10 ملین امریکی ڈالر اور پاکستانی 17.99ملین روپے ہے۔ برآمد شدہ منشیات اور سمگلر کو تحویل میں لیکر مزید تفتیش جاری ہے ۔