پولیس کی کھلی کچہری میدان جنگ بن گئی، لیسکواہلکار سائلین سے گتھم گھتا

گوجرانوالہ(نمائندہ خصوصی)پولیس کی کھلی کچہری میدان جنگ بن گئی،شکایت پر لیسکو اہلکار سائلین سے گتھم گھتا، پولیس نے دونوں فریقین کو حوالات میں بند کردیا نواحی علاقہ جامکے چٹھہ جامع مسجد غوثیہ رضویہ میں نماز جمعہ کے بعد ایس ایچ او تھانہ علی پور چٹھہ خورشید انور کھلی کچہری میں عوامی شکایات سن رہے تھے اسی دوران حافظ نذیر احمد نے واپڈا اہلکار محمد اسلم کے خلاف شکایت کی کہ بجلی میٹر کی تنصیب کیلئے مذکورہ اہلکار نے 12ہزار روپے طلب کئے جس میں سے 5500 ادا کردیئے گئے شکایت پر مذکورہ اہلکار اورنذیز سیخ پا ہوگئے نوبت ہاتھا پائی گالی گلوچ تک پہنچ گئی کھلی کچہری مچھلی منڈی میں تبدیل ہوگئی۔پولیس فریقین کو پکڑ کر تھانہ لے آئی اور حوالات میں بند کرکے مقدمہ درج کرلیا۔