لاہور(نیوز رپورٹر)تحریک انصاف کے مرکزی رہنماء چوہدری عمر کسانہ ایڈووکیٹ نے لاہور انارکلی دہشتگردی کے واقعے کی شدید الفاظ میں مذمت کرتے ہوئے کہاکہ ملک دشمن قوتیں پاکستان کے اندرونی حالات کو خراب کرنے کی سازشیں کررہی ہیں مگران کے اوچھے ہتھکنڈے ناکام ہونگے، انہوں نے کہاکہ پاکستانی قوم اپنے ملکی اداروں کے شانہ بشانہ کھڑی ہے، ملک سے دہشتگردی کے خاتمے تک حکومت چین سے نہیں بیٹھے گی، چند مٹھی بھر دہشتگرد اپنی بزدلانہ کاروائیوں سے قوم کے عزم کو پست نہیں کرسکتے۔