کوہلو (آئی این پی)محکمہ انسدادی دہشتگردی (سی ٹی ڈی) سبی ریجن نے بلوچستان کے ضلع کوہلو کے پہاڑی علاقے میں کارروائی  کے دوران کالعدم تنظیم کا چھپایا گیا اسلحہ و گولہ بارود برآمد کر لیا۔جمعہ کو ترجمان سی ٹی ڈی کا کہنا ہے کہ کوہلو میں کارروائی کے دوران کالعدم تنظیم کی جانب سے چھپایا گیا بھاری اسلحہ و گولہ بارود برآمد کر لیا گیا ہے۔سی ٹی ڈی کے ترجمان کے مطابق اسلحہ و گولہ بارود میں 40 شیل، 140 فیوز مارٹر گولے، 65 راکٹ شیلز، 20 دستی بم، 5 روکٹ لاونچر، 1 اینٹی کرافٹ گن شامل ہے۔ترجمان سی ٹی ڈی نے بتایا کہ دہشتگرد اسلحہ و گولہ بارود کو مختلف دہشتگردی کی کارروائیوں میں استعمال کرنا چاہتے تھے۔سی ٹی ڈی کے ترجمان کا کہنا ہے کہ برآمد اسلحہ و گولہ بارود کی ایف آئی آر درج کرلی گئی ہے اور مزید کارروائیاں متوقع ہیں۔