اسلام آباد (این این آئی)ملک کے بیشترعلاقے شدید سردی کی لپیٹ میں آگئے ہیں جس کے باعث پارہ نقطہ انجماد سے گرگیا۔بالائی علاقوں میں برفباری سے ہر طرف سفیدی چھا گئی، جن میں مری، اسکردو ، مالم جبہ ، استور، بابو سرٹاپ اور زیارت شامل ہیں۔دوسری جانب اسلام آباد میں ہلکی بارش سے موسم مزید سرد ہوگیا جبکہ لیہ میں پارہ منفی 10، گوپس منفی 9اور استور میں منفی 8 ریکارڈ کیا گیا۔محکمہ موسمیات کے مطابق خیبر  پی کے، کشمیر، گلگت بلتستان، بالائی پنجاب اور شمالی بلوچستان میں گرج چمک کے ساتھ بارش اور پہاڑوں پر برفباری کا امکان ہے۔