کوٹری ٹریڈ ایسوسی ایشن کی مظفر علی عباسی کو سی ای او حیسکو مقرر ہونے پر مبارکباد

کوٹری/جامشورو(نامہ نگار)کوٹری ٹریڈ اینڈ انڈسٹریز ایسوسی ایشن اور ایوان صنعت وتجارت جامشورو کے سرپرست اعلی میاں توقیر طارق ودیگر کی جانب سے مظفر علی عباسی کی بطور چیف ایگزیکٹیو آفیسر حیسکو مقرر ہونے پر مبارکباد۔انکی تعیناتی سے صنعت وتجارت کیلئے مثبت اقدام ہے جس سے صنعتوں کو مزید فروغ ملے گا۔تفصیلات کے مطابق کوٹری ایسوسی ایشن ٹریڈ اینڈ انڈسٹریز اور جامشورو چیمبر آف کامرس کے عہدیداران کی جانب سے جاری کردہ بیان میں مظفر علی عباسی کو چیف ایگزیکٹیو آفیسر حیسکو مقررہونے پر مبارکباد دیتے ہوئے سرپرست اعلی میاں توقیر طارق چیئرمین کاٹی کاشف مختیار جامشورو چیمبر آف کامرس کے صدر ملک یاسر اقبال۔سینئروائس چیئرمین محمد جعفر۔وائس چیئرمین کرنل(ر)محمد حسن سینئر نائب صدر جامشورو چیمبر آف کامرس اشتیاق شیخ۔نائب صدر بگوان داس ودیگر عہدیداران نے کہا ہے کہ انکی تقرری اعلی صلاحیت کا مظہر ہے کہ انہیں دوبارہ اس عہدے پر تعینات کیا گیا ہے۔انہوں نے مزید کہا کہ مظفر علی کی صنعتوں کیلئے خدمات قابل ستائش ہے اورامید ہے کہ دوبارہ تعیناتی سے صنعتوں میں بجلی کی فراہمی میں مزید بہتری آئے گی اور صنعتکاروں کو درپیش مسائل جلد حل ہونگے۔
انہوں نے کہا کہ انکی تعیناتی صنعتوتجارت کیلئے مثبت اقدام ہوگا اور صنعت وتجارت کو مزید فروغ ملے گا۔