سلمان شہباز نے 'جوکر' والی ٹوئٹ سے متعلق وضاحت دیدی 

  لاہور (آئی این پی )وزیراعظم شہباز شریف کے صاحبزادے سلمان شہباز  نے سابق وزرائے خزانہ سے متعلق اپنی جوکر والی ٹوئٹ پر وضاحت دے دی۔ ہفتے کی صبح  عدالت کے باہر میڈیا سے گفتگو  کے دوران  صحافی نے سلمان شہباز سے سوال کیا کہ آپ نے ٹوئٹ میں وزیر خزانہ کو جوکرکہاتھا؟ جواب میں سلمان شہباز نے کہا پی ٹی آئی نے5 وزیر خزانہ تبدیل کیے تھے، میں نے آخری3کو کہا تھا۔ صحافی نے پھر سوال کیا کہ کیا اس میں مفتاح اسماعیل بھی شامل تھے؟  اس کے جواب میں سلمان شہباز بولے میں نے کسی کا نام نہیں لیا۔