شیخوپورہ (نمائندہ خصوصی) تحریک انصاف نظریاتی کے چیئر مین اختر اقبال ڈار نے گزشتہ روز وزیر اعلیٰ پنجاب کے سابق پولیٹیکل ایڈوائزر چوہدری شکیل عطا اللہ ورک کے کزن ،چوہدری عطا اللہ ورک کے بھتیجے ،سابق ناظم ثناء اللہ ورک کے بیٹے کے انتقال پر ان کے گھر گئے اور تعزیت کی اور مرحوم کے روح کے ایصال و ثواب اور لواحقین کیلئے صبر جمیل کی دعا کی اس مو قع پر خالد محمود ورک ،ضو اختر ڈار ،وحید ورک اور دیگر بھی موجود تھے دریں اثناء اختر اقبال ڈار ملک ناصر ٹھیکیدار کی والدہ اور پی ٹی آئی کے رہنماء انعام الحق گجر کی والدہ کی وفات پر ان کی رہائش گاہوں پر بھی گئے اور مرحومین کی وفات پر دعائے مغفرت کی ۔