مریم نواز کے استقبال کی تیاریاں  شروع کر دیں: حنا پرویز بٹ 

لاہور(لیڈی رپورٹر)مسلم لیگ (ن) کی رہنما حناپرویز بٹ نے کہا کہ مسلم لیگ (ن) نے مریم نواز کے پرتپاک استقبال کی تیاریاں شروع کردی ہیں۔آئندہ ماہ میاں نوازشریف کی واپسی بھی تاریخی استقبال سے ہوگی۔نوازشریف کی سیاست ختم کرنے والے خود مائنس ہوگئے ہیں۔آنے والا دور میاں نوازشریف اور مسلم لیگ (ن) کا ہے۔مسلم لیگ (ن) کی جڑیں پاکستان کے عوام میں ہے اس لیے کوئی ڈکٹیٹر یا مہرہ مسلم لیگ (ن) کو ختم نہیں کرسکا۔میاں نوازشریف کو مائنس کرنے کی تیس سالوں سے کوشش ہورہی ہے لیکن پاکستان کے عوام ہر بار پہلے سے زیادہ طاقت سے نوازشریف کو اقتدار میں واپس لاتے ہیں۔