لاہور(کامرس رپورٹر) صوبائی وزیر ہاوسنگ بیرسٹر سید اظفر علی ناصر نے گزشتہ رات سی بی ڈی پنجاب بلیوارڈ والٹن روڈ فلائی اوور ون اور ٹو پر جاری پیشرفت کا جائزہ لینے کےلئے دورہ کیا۔سی ای او سی بی ڈی پنجاب عمران امین،ڈائریکٹر پراجیکٹ مینجمنٹ آصف اقبال نے صوبائی وزیر کو بریفنگ دی۔ این ایل سی نیسپاک اور کنٹریکٹر حکام بھی موجود تھے۔ اظفر علی ناصر نے سرد موسم میں سی بی ڈی پنجاب کی ٹیم اور مزدوروں کی انتھک کوششوں کی تعریف کی۔ انہوں نے کہا مجھے یقین ہے عمران امین کی قیادت میں یہ ترقیاتی منصوبہ طے شدہ ٹائم لائن میں مکمل ہوگا۔سی ای او سی بی ڈی پنجاب عمران امیننے کہاپنجاب حکومت کی معاونت پر ان کا مشکور ہوں،سی بی ڈی پنجاب منصوبہ کی بروقت تکمیل کےلئے تمام وسائل بروئے کار لا رہا ہے۔