لاہور(احسان شوکت سے)چیئرمین پیپلز پارٹی بلاول بھٹو زرداری جلسہ گاہ میں اپنی چھوٹی بہن آصفہ بھٹو کے ہمراہ آئے۔ مگر آصفہ بھٹو نے جلسے سے خطاب نہیں کیا۔دائیں اور بائیں سابق گورنر چودھری محمد سرور اور پاکستان عوامی تحریک کے سیکرٹری جنرل خرم نواز گنڈا پور بیٹھے تھے۔ چودھری منظور نے سٹیج سیکرٹری کے فرائض سر انجام دئیے۔ صدر لاہور چودھری اسلم گل‘ سابق گورنر چودھری محمد سرور، چوہدری اعتزاز احسن اور خرم نواز گنڈاپور نے بھی خطاب کیا۔ جیالے"وزیراعظم۔بلاول بھٹو" کی شدید نعرے بازی کرتے رہے۔ خواتین کی بڑی تعداد پنڈال میں موجود تھی۔ شدید سردی کے باوجود جیالے آخر تک جلسہ گاہ میں موجود رہے اور جوش و خروش کا مظاہرہ کرتے رہے۔