متحدہ عرب عرب امارات پاکستانی ایئر پورٹس پر کارگو شعبے میں بھاری سرمایہ کاری کریگا

اسلام آباد( این این آئی)نگران وزیراعظم انوار الحق کاکڑ کے حالیہ دورہ متحدہ عرب امارات کا سرمایہ کاری کے معاملہ پرمثبت اثر پڑا ہے،یو اے ای کراچی سمیت دیگر ائیر پورٹس پر کارگو شعبہ میں بھاری سرمایہ کاری کرے گا۔ایوی ایشن ذرائع کے مطابق وزیراعظم کے حالیہ دورہ یو اے ای میں ایوی ایشن شعبہ میں بڑی سرمایہ کاری سے متعلق بات چیت ہوئی تھی سول ایوی ایشن اتھارٹی حکام نے سی اے اے ہیڈکوارٹرزمیں یواے ای حکام کوکراچی،لاہور،اسلام آباد ائیرپورٹس پرکارگوسے متعلق سول ایوی ایشن اتھارٹی کوبریفنگ دی گئی۔ ذرائع کے مطابق یو اے ای حکام کو کراچی ائیرپورٹ،کارگوٹرمینل کادورہ بھی کیا جس کے بعد یو اے ای کی جانب سے پاکستانی ایئرپورٹس پر کارگو شعبہ میں بھاری سرمایہ کاری کی راہموار ہو گئی ہے۔