کراچی آلودہ ترین شہروں میں تیسرے،جبکہ لاہور پانچویں نمبرپر آگیا

کراچی(این این آئی)کراچی کی فضائی آلودگی انتہائی مضرِ صحت ہے، ایئر کوالٹی انڈیکس کے مطابق اتوارکو کراچی آلودگی کے اعتبار سے دنیا کے آلودہ ترین شہروں کی فہرست میں تیسرے نمبر پر رہا۔ایئر کوالٹی انڈیکس کے مطابق کراچی کی فضاؤں میں آلودہ ذرات کی مقدار 213 پرٹیکیولیٹ میٹرز ریکارڈ کی گئی ہے جبکہ لاہور دنیا بھر میں آلودگی کے لحاظ سے پانچویں نمبر پر رہا۔ ایئر کوالٹی انڈیکس کے مطابق لاہور کی فضاؤں میں آلودہ ذرات کی مقدار 178 پرٹیکیولیٹ میٹرز رہی۔ آلودہ ترین شہروں کی فہرست میں بنگلا دیش کا دارالحکومت ڈھاکا پہلے نمبر پر رہا۔ایئر کوالٹی انڈیکس کے مطابق ڈھاکا کا ایئر کوالٹی انڈیکس 304 ریکارڈ کیا گیا ہے۔ماہرین کے مطابق درجہ بندی کے مطابق 151 سے 200 درجے تک آلودگی مضر صحت ہے جبکہ 201 سے 300 درجے تک آلودگی انتہائی مضرِ صحت ہوتی ہے۔ایئر کوالٹی انڈیکس کے مطابق 301 سے زائد درجہ خطرناک آلودگی کو ظاہر کرتا ہے۔