گھوٹکی (نوائے وقت رپورٹ) گھوٹکی کے کچے کے علاقے میں 8 مغویوں کی بازیابی کے لئے پولیس اور رینجرز کا مشترکہ آپریشن جاری ہے۔ ایس ایس پی گھوٹکی کا کہنا ہے کہ آٹھ مغویوں کی بازیابی کے لئے آپریشن جاری ہے۔ مغویوں کی بازیابی تک آپریشن جاری رہے گا۔ پولیس نے کہا کہ ڈاکو¶ں اور پولیس کے مابین فائرنگ کا تبادلہ جاری ہے۔ دوسری جانب سندھ کے کچے کے علاقے میں رینجرز کی کارروائی کے دوران جاگیرانی گینگ کے سرگرم رکن حمیر جاگیرانی نے ہتھیار ڈال دیئے۔ ترجمان رینجرز کے مطابق گرفتار ملزم اغوا اور قتل کی وارداتوں میں ملوث ہے۔ ملزم کی گرفتاری کے لئے کندھ کوٹ کچا بھنڈی کا محاصرہ کیا تھا۔