لاہور (خبر نگار) ق لیگ پنجاب کی راہنما خدیجہ عمر فاروقی نے کہا ہے کہ جب بھی بارش ہوتی ہے لاہور تالاب بن جاتا ہے اور عوام کی زندگی اجیرن بن جاتی ہے مگر حکمران ایسے شرمندگی کے مواقع پر بھی سستی شہرت کے لئے پانی میں کھڑے ہو کر فوٹو سیشن کروانے سے باز نہیں آتے۔ 5 سال مسلسل پنجاب پر حکومت کرنے والے لاہور کی صفائی اور خوبصورتی کے نام پر اربوں روپے کے فنڈز استعمال کرنے والے بتائیں لاہور چند لمحوں کی بارش سے ہی جوہڑ میں کیوں بدل جاتا ہے۔