اسلام آباد سے ریاض جانیوالی پرواز میں خاتون کو ہارٹ اٹیک، طیارے کی مسقط میں ہنگامی لینڈنگ

اسلام آباد (آئی این پی) اسلام آباد سے ریاض جانے والی پی آئی اے کی پرواز پی کے 753میں سوار خاتون کے دل میں تکلیف کے باعث طیارے کو مسقط میں اتار لیا گیا۔ ترجمان پی آئی اے مشہود  تاجور کے مطابق پرواز پی کے 753 میں سوار 65 سال کی خاتون کے دل میں اچانک تکلیف ہوئی جس پر طیارے کو  اتارا گیا تاہم خاتون کا مسقط ایئرپورٹ پر انتقال ہو گیا۔