لندن (اے پی پی)  برطانیہ کے تخت و تاج کے تیسرے نمبر پر وارث شہزادہ جارج الیگزینڈر لوئس آج اپنی پہلی سالگرہ منائیں گے۔ شہزادہ ولیم کے بیٹے جارج نے اپنی پہلی سالگرہ سے قبل ہی چلنا شروع کر دیا ہے۔ اتنی سی عمر میں سٹائل آئی کون اور میڈیا سٹار کہلائے جانے والے شہزادہ جارج اپنی پہلی سالگرہ اپنے والدین اور قریبی عزیزوں کے ہمراہ کنسنگٹن پیلس میں سادہ سی تقریب میں منائیں گے جس کی وجہ ان کے والدین کی طرف سے بچے کو میڈیا کی روشنیوں سے دور رکھنے کی کوشش ہے۔ شاہی محل سے پیر کو بچے کی تازہ تصویر جاری کی گئی جس میں شہزادہ چل رہا ہے۔ جارج کے والد شہزادہ ولیم نے اپنی پہلی سالگرہ دادی کے ساتھ منائی تھی کیونکہ اس وقت شہزادہ چارلس اور ڈیانا کینیڈا کے دورہ پر تھے۔