پاکستان ٹیلیویژن کے ’’عید ایثار‘‘ پروگرام کو بے حد پسند کیا گیا

لاہور (کلچرل رپورٹر) عیدالفطر کے موقع پر پی ٹی وی کی تین روزہ لائیو ٹرانسمشن میں پروگرام ’’عید ایثار‘‘ کو سامعین نے بے حد پسند کیا۔ اس پروگرام کے میزبان اداکارہ نور، ثنائ، ارباز خان، سندس جمیل اور یاسر قریشی تھے جبکہ ہنی البیلا، افتخار ٹھاکر اور واجد خان نے اپنی پرفارمنس سے دیکھنے والوں کو محظوظ کیا۔ گلوکار ملکو، جواد احمد، شاہدہ منی، حمیرا چنا، رفاقت علی خان نے گلوکاری کے جوہر دکھائے۔ ان پروگراموں میں فلم اور ٹی وی ماڈلنگ کے نامور اداکاروں محسن گیلانی، ذوالقرنین حیدر، ظل ہما بٹ، صائمہ علی، سارہ خان اور دیگر شامل تھے۔ ان خصوصی پروگراموں کے پروڈیوسر محسن جعفر تھے۔ عید ایثار کو پی ٹی وی کی خصوصی ٹرانسمشن میں سب سے زیادہ پذیرائی ملی۔