کولمبو سٹیڈیم میں آج شراب لانے پر پابندی عائد کر دی گئی

کولمبو(سپورٹس ڈیسک ) سری لنکا کرکٹ بورڈ نے پاکستان اور سری لنکا کے درمیان چوتھے ایک روزہ میچ کے دوران سٹیڈیم میں شراب پینے پر پابندی عائدکردی ۔ یہ فیصلہ تیسرے ایک روزہ میچ کے دوران شائقین کی ہلڑبازی کے بعد اٹھایا گیا ہے ۔بورڈ کے مطابق سٹیڈیم میں ہوٹرز‘شراب‘شیشے کی بوتلیں ‘تیز دھار والی اشیاء ‘آگ جلانے والی اشیاء ماچس‘ لائٹر وغیرہ لانے پر پابندی ہوگی ۔شائقین کی طرف سے کسی بھی غیر قانونی حرکت پر سختی سے نمٹا جائے گا۔